ठाकरे गटाचे खासदार संजय राऊत हे आज नाशिक दौऱ्यावर आहे. यावेळी त्यांनी माध्यमांशी संवाद साधत पंतप्रधान नरेंद्र मोदी आणि सरकारवर जोरदार टीका केली. अनेक ठिकाणी झेंडे फडकले आहे, तिरंगा फडकला आहे. आजही आपल्या देशात बेरोजगारी, भूक, कायदा सुव्यवस्था, अंतर्गत सुरक्षा याबाबत गंभीर समस्या आहे. देशाचे पंतप्रधान नरेंद्र मोदी हे आता 75 वर्षाचे होतील आणि देशाचे स्वातंत्र्य 79 वर्षाचे झाले आहे. या 79 वर्षात देश नक्कीच प्रगतीप्रथावर गेला आहे. जेव्हा स्वातंत्र्य मिळाले तेव्हा देशामध्ये एक सुई आणि धागा देखील बनत नव्हता. आज तो देश अनेक बाबतीत पुढे गेला आहे. त्याचे या देशाचे नेतृत्व करणाऱ्या सर्व नेत्यांना जाते. काही लोकांना वाटत आहे की, 2014 साली देश स्वतंत्र झाला. पण 2014 साली देश स्वतंत्र म्हणण्यापेक्षा देश खड्यात गेला आहे, असे जोरदार टीकास्त्र संजय राऊत यांनी भाजपवर सोडले.