Raj Thackeray Meets CM Devendra Fadnavis After BEST Poll Defeat, Sparks Speculation : बेस्ट पतपेढीच्या निवडणुकीनंतर राज ठाकरेंनी अचानक मुख्यमंत्री देवेंद्र फडणवीस यांची भेट घेतली. दोघांमध्ये अर्धा तास चर्चा झाल्याचे समजतेय. त्यानंतर महाराष्ट्र्र्राच्या राजकारणात वेगवेगळे अंदाज वर्तवले जाऊ लागले. राज ठाकरे भावावबरोबर जाणार की देवाबरोबर जाणार, याची चर्चा सुरू झाली होती. यावर ठाकरेंच्या शिवसेनेचे खासदार संजय राऊत यांनी प्रतिक्रिया दिली आहे. राज्याच्या मुख्यमंत्र्यांना भेटणं चुकीचं नाही. काही कामानिमित्त भेट होऊ शकते. उद्या आम्हाला काम आल्यास आम्ही भेटू, अशी प्रतिक्रिया संजय राऊत यांनी दिली आहे.

महाराष्ट्राच्या राजकारणात विरोधीपक्षाचे नेते मुख्यमंत्र्यांना भेटत असतात. आम्हीही त्यांना अनेकदा भेटतो, म्हणून त्यावर चर्चा कशाला करायची? याआधीही ते भेटलेले आहेत, भेटू द्या, असे संजय राऊत म्हणाले.