Sanjay Raut press conference : एकनाथ शिंदे भाजपचे लोहपुरुष असून शिवसेना फोडल्यामुळे अमित शहा त्यांना दिल्लीत खांद्यावर घेऊन फिरतात. कुणीतरी त्यांना दिल्लीतून चावी देत आहे. जर तसे नसते तर 29 नगरसेवकांच्या जोरावर त्यांनी महापौर पदावर दावा सांगितला असता का? भाजप किंवा फडणवीस यांचा महापौर होऊ नये म्हणून दिल्लीतून शिंदेंना चावी देणारा कोण? असा सवाल खासदार संजय राऊत यांनी केला.

शिवसेना विरोधात बसणार का? असे विचारले असता राऊत म्हणाले की, आम्ही अजून काहीच ठरवलेले नाही. आता आम्ही फक्त मजा बघतोय. शिंदे गटाचे नगरसेवक पंचतारांकित हॉटेलमध्ये आहेत. आता भाजपच्या नगरसेवकांनाही कुठेतरी हलवण्यात येत असल्याची माहिती मला मिळतेय. म्हणजे कोण, कुणाला घाबरतंय? असा सवालही राऊत यांनी केला.