शिवसेना ठाकरे गटाचे खासदार संजय राऊत यांच्या विधानानं राजकीय वातावरण पुन्हा तापण्याची चिन्हे आहेत. सत्ताधारी पक्षांवर विविध मुद्द्यांवर तुटून पडणाऱ्या संजय राऊत यांनी यावेळी अजित पवार यांच्यावर निशाणा साधला आहे. अजित पवारांचा पक्ष नाही तर तो फुटलेला एक गट आहे, अशी जळजळीत टीका राऊत यांनी केली आहे. राज्यात दादा आणि दिल्लीत ताई अशी कार्यकर्त्यांची मागणी आधीचीच आहे, असा टोलाही राऊत यांनी पवार यांना लगावला आहे. प्रफुल्ल पटेल यांना त्यांनी दाऊद म्हटलं आहे. यावरूनही राजकारण पेटण्याची चिन्हे आहेत.

संजय राऊत म्हणाले की, शरद पवार हे दिल्लीत काम करतात. आता राष्ट्रीय नेतृत्वाची जबाबदारी ही दाऊद म्हणजेच प्रफुल्ल पटेल यांच्याकडे दिली आहे. त्या पक्षाचे आता ते काम पाहतात. सुप्रियाताई यात कुठे आल्या? मूळ राष्ट्रवादी काँग्रेस पक्ष हा शरद पवारांचाच आहे. अजित पवार हा एक फुटलेला गट आहे.