श्रीभक्त पादुका दर्शन सोहळ्याचा आजचा दुसरा दिवस आहे. दुसऱ्या दिवशी मोठ्या प्रमाणात भाविकांनी गर्दी केली. ज्ञानोबा माऊली तुकाराम, विठ्ठल...विठ्ठल', 'माऊली...माऊली'च्या जयघोषात मुंबई नगरी दुमदुमली आहे. भजन, किर्तनच्या आवाजाने वरळी एनएससीआय डोम परिसर दुमदुमलाय. टाळ, मृदुंगच्या आवाजासह भजन म्हणत भाविक भक्तीत तल्लीन झाले आहेत. राज्यातील संतांच्या पादुकांचे दर्शन घेण्यासाठी भाविकांनी मोठी गर्दी केलीय. हा पादुका दर्शन सोहळा सकाळ समूहाकडून आयोजित करण्यात आलाय.

वरळीत भक्तीमय वातावरण निर्माण झालंय. भाविक संताच्या पादुकांचं दर्शन घेत आहेत. राज्यभरातील शेकडो भक्तांनी हजेरी लावली. हरिनामस्मरणामुळे येथील वातावरण भक्तिमय झाले. रविवारी सकाळपासूनच पादुका दर्शनासाठी भाविकांचा जनसागर लोटलाय. राजकीय, सामाजिक, कला विश्वातील दिग्गज या सोहळ्याला हजेरी लावलीय. ज्ञानोबा माऊली तुकाराम म्हणत भाविक भक्तीत रंगले आहेत.