वाशिम : स्वाभिमानी शेतकरी संघटनेचे नेते सदाभाऊ खोत नेहमी कोणत्या ना कोणत्या कारणामुळे चर्चेत असतात. सदाभाऊ सध्या वाशिम दौऱ्यावर आहेत. यावेळी त्यांनी पश्चिम महाराष्ट्र आणि विदर्भाची तुलना करतांना अजब वक्तव्य केलं आहे. आम्ही बँका बुडवल्या, कारखाने तसेच सरकार बुडवलं. १० ते २० कोटी हाणतोय अन् तुम्ही ५ हजार रुपयांचे अनुदान मागताय, असं सदाभाऊ शेतकऱ्यांना म्हणाले.

"विदर्भात लढावू माणसं आहेत ही माणसं जपा आणि विदर्भातील नेतृत्व मोठं करा. तुम्ही आमच्याकडे मोठं करायला येऊ नका, आमचे गडी लय मोठे आहेत. आम्ही ब्यांका बुडवल्या, कारखाने बुडवले, उचल बुडवली, सरकार बुडावलं, आम्ही जेवढं हाणता येईल तेवढं हाणलंय आणि तुम्ही काय मागताय फक्त अनुदान ५ हजार रुपये अनुदान द्या, आमचं १५ कोटी, २० कोटीत चाललंय अन् तुमचं हजारात गरीबी कशी दूर होईल", असा मिश्लिक टोलाही सदाभाऊंनी लगावला.