Nashik Lok Sabha Election 2024 | अखेर नाशिक लोकसभेचा महायुतीमधील तिढा सुटलाय. नाशिक लोकसभा निवडणुकीतून भुजबळांनी माघार घेतल्यानंतर आता महायुतीनंतर हेमंत गोडसे यांच नाव निश्चित असल्याचं समोर आलंय. नाशिक लोकसभा निवडणूक हेमंत गोडसे लढतील, असं वृत्त साम टीव्हीनं आधीच दाखवलं होतं. त्यावरही आता शिक्कामोर्तब झालंय. लवकरच महायुतीकडून हेमंत गोडसे यांच्या नावाची अधिकृत घोषणा केली जाण्याची शक्यता आहे. महायुतीमधील शिवसेनेचे नेते हे नाशिक लोकसभेच्या जागेसाठी आग्रही होते. तर दुसरीकडे भुजबळांनीही नाशिकवर दावा केला होता. दरम्यान, अखेर पत्रकार परिषद घेत हेमंत गोडसे यांचं नाव नाशिकसाठी निश्चित झाल्याचं स्पष्ट झालंय.