Rupali Chakankar viral video Kharat Vitthal comparison : राज्य महिला आयोगाच्या अध्यक्षा रूपाली चाकणकर यांचा एक खळबळजनक व्हिडिओ समोर आला आहे. चाकणकर यांनी भोंदू बाबा खरात याची तुलना थेट विठ्ठलासोबत केली आहे. इतकेच नाही तर अध्यक्षपदाचा बहुमानही त्यांनी त्याच्या चरणी नतमस्तक केल्याचा व्हिडिओ समोर आला आहे. या व्हिडिओमुळे राजकीय वर्तुळात खळबळ उडाली आहे.

भोंदूगिरीचे आरोप असलेल्या अशोक खरात नावाच्या व्यक्तीसमोर नतमस्तक होत, चाकणकरांनी चक्क आपल्या अध्यक्ष पदाचा बहुमान त्याच्या चरणी अर्पण केल्याचे या व्हिडिओमध्ये दिसत आहे. व्हिडिओमध्ये रूपाली चाकणकर असे म्हणताना दिसत आहेत की, "माझा हा प्रदेशाध्यक्ष पदाचा बहुमान एक प्रामाणिक कार्यकर्तीला मिळाला आहे, तो मी तुमच्या चरणी अर्पण करते"

चाकणकरांनी अशोक खरातची तुलना थेट विठ्ठलाशी केली आहे. आषाढीला विठ्ठलाचे दर्शन झाले नसेल, मात्र गुरुपौर्णिमेला तुमच्या रूपाने आम्हाला विठ्ठलाचे दर्शन होत आहे, असे वादग्रस्त वक्तव्य त्यांनी केले आहे. समोर आलेल्या दृश्यांमध्ये चाकणकर या भोंदू बाबाच्या चरणाची पूजा करताना आणि पाय धुताना स्पष्टपणे दिसत आहेत. ही घटना जुलै २०२१ मध्ये श्रावणी सोमवारच्या निमित्ताने आयोजित एका पूजेदरम्यान घडल्याचे सांगण्यात येत आहे.