१ जूनपासून अनेक महत्त्वाचे नियम लागू होत आहेत. आधार-पॅनची जोडणी केलेली नसल्यास दुप्पट दरानं टीडीएस कापणार येणार आहे. आयकर खात्यानं आधार-पॅन जोडणी ३१ मेपर्यंत बंधनकारक केली होती. यापूर्वी अनेकदा मुदत वाढही देण्यात आली होती. यंदा मात्र मुदतवाढ दिली जाणार नाहीये. त्याचप्रमाणे आरटीओच्या नियमात सुद्धा अनेक बदल करण्यात आले आहेत. वेगानं वाहन चालवल्यास हजार रुपयांपर्यंत दंड ठोठावण्यात येणार आहे. अल्पवयीन मुलगाही वाहन चालवताना दिसल्यास त्याच्या पालकांनाही दंड ठोठावण्यात येणार आहे.