रात्रीपासून सुरु असलेल्या पावसामुळे खोपोली ते मुंबई गोवा महामार्ग जोडणाऱ्या मार्गावरील वाहतूक बंद करण्यात आली आहे. संततधार सुरु असलेल्या पावसामुळे अंबा नदीच्या पाण्यात वाढ झाली आहे. अंबा नदीवरील पुलाच्या दोन्ही बाजूला पाणी साचलं आहे. पुलावरुन पाणी वाहू लागल्याने येथील वाहतूक बंद करण्यात आली आहे. पुलाच्या दोन्ही बाजूला वाहनांच्या लांबच लांब रांगा लागलेल्या पाहायला मिळत आहे. अंबा नदीवरील पुल हा नवीनच बांधण्यात आला होता परंतु पुलाच्या दोन्ही बाजूला उतार असल्यामुळे पाणी साचलं आहे. पूल बंद झाल्यामुळे पाली शहराजवळ वाहनं अडकून पडली आहेत.