अपघाताचे अनेक व्हिडीओ सोशल मीडियावर व्हायरल होत असतात. अशाच एका अपघाताचा थरकाप उडवणारा व्हिडीओ समोर आला आहे. भरधाव ट्रकने दुसऱ्यांचा जीव धोक्यात घालून ओव्हरटेक करण्याचा प्रयत्न केलाय. यामुळे समोरून येणाऱ्या वाहनांशी समोरासमोर धडक होण्याची शक्यता निर्माण झाली होती. मात्र काही सेकंदांच्या अंतराने मोठा अपघात टळला. चालकांच्या प्रसंगावधानामुळे जीवितहानी झाली नाही. हा व्हिडीओ इतका भयंकर आहे की पाहताना काळजाचा ठोका चुकल्यासारखे वाटते. मात्र, या भरधाव ट्रक चालकावर कारवाईची मागणी केली जात आहे. या ट्रक चालकाची एक छोटीशी चूक इतरांच्या जीवावर बेतली असती. या घटनेचा व्हिडिओ समोर आला असून ओव्हरटेक किती धोकादायक ठरू शकतो हे पुन्हा एकदा पाहायला मिळाल आहे.