आयपीएल 2025च्या हंगामचे विजेतेपद रॉयल चॅलेंजर्स बंगळूर या संघाने पटकावल्यानंतर देशभरात त्याचा जल्लोष साजरा होत आहे. मागच्या 18 वर्षांपासून आयपीएलची ट्रॉफी बंगळुरूसंघाला हुलकावणी देत होती. अखेर ते स्वप्न पूर्ण झाले दरम्यान या विजयानंतर भारतभर विजयोत्सव साजरा करण्यात येत आहे. बंगळूर शहरात देखील मोठ्या प्रमाणात जल्लोष साजरा करण्यासाठी आयोजित करण्यात आली होती. मात्र या रॅलीला गालबोट लागले आहे. या रॅलीत चेंगराचेंगरी होऊन 8 जणांचा मृत्यू झाला आहे. मिळालेल्या माहितीनुसार, बंगळूर संघाच्या विजयानंतर बंगळूर शहरातील एम. चिन्नास्वामी स्टेडियमच्या बाहेर या संघाचे चाहते मोठ्या संख्येने जमले होते. मात्र याचवेळी चेंगराचेंगरी झाली. या चेंगराचेंगरीत आता 8 जणांचा मृत्यू झाला आहे. हा आकडा वाढण्याची देखील शक्यता आहे.