आयपीएल विजेत्या रॉयल चलेजर्स बंगळूर संघाच्या जल्लोषाला गालबोट लागल्यामुळे 10 ते 12 जणांचा मृत्यू झाला आहे. विजेत्या संघाची व्हिक्टरी परेड पाहण्यासाठी झालेल्या तूफान गर्दीमुळे चिन्नास्वामी स्टेडियमच्या गेटवर मोठी चेंगराचेंगरी झाली. यामध्ये 10 ते 12 जणांचा मृत्यू झाला असून यामध्ये आणखी आकडा वाढण्याची भीती आहे.

रजत पाटीदार आणि विराट कोहलीच्या आरसीबीने फायनलमध्ये श्रेयस अय्यरच्या पंजाब किंग्जचा पराभव करून आयपीएल 2025 ला गवसणी घातली.त्यामुळेच आज बंगळूरात अनेक चाहते चिन्नास्वामी स्टेडियमवर क्रिकेटपटूंची झलक पाहण्यासाठी गेले असता तेथे चेंगराचेंगरी होऊन तेथे लोकांचा मृत्यू झाला. त्यानंतर संपूर्ण बंगळूर शहरात मोठ्या प्रमाणात वाहनसेवा विस्कळीत झाली आणि मेट्रोमध्ये देखील गर्दी झाल्याने नागरिकांचे हाल झाले.