काँग्रेसचे आमदार रवींद्र धंगेकर आणि ठाकरे गटाच्या नेत्या सुषमा अंधारे यांनी पुण्यात राज्य उत्पादन शुल्काच्या कार्यालयात धडक दिली. पुण्यात वाढत्या पब संस्कृतीविरोधात महा विकास आघाडीचे नेते आक्रमक झाले आहेत. बेकायदेशीर पब आणि बारविरोधात किती कारवाई केली असा सवाल धंगेकर आणि अंधारे यांनी विचारला. पुण्यातली पब संस्कृती बंद झाली पाहिजे अशी मागणी धंगेकरांनी केली आहे. तसेच हिट अँड रन प्रकरणी बिल्डरच्या मुलाला वाचवण्याचा प्रयत्न सुरू आहे हे ससूनच्या डॉक्टरांच्या अटकेवरून सिद्ध झाले आहे असेही धंगेकर म्हणाले.