महायुतीच्या योजनांवरून जयंत पाटील यांनी जोरदार टीका केली आहे. महायुतीच्या योजना म्हणजे 'अति तिथे माती' अशा शब्दांत जयंत पाटील यांनी महायुतीवर हल्लाबोल केला आहे. हे सर्व लाडक्या खुर्चीसाठी केलं जात असून सगळे निधी थांबवण्यात आले आहेत. जे काही झालं ते फक्त नारळ फोडण्यासाठी आणि कमिशन खाण्यासाठी होतं, असा आरोपही जयंत पाटलांनी केला आहे.

राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी महायुती सरकार आणि त्यांच्या योजनांवर निशाणा साधला आहे. या योजना केवळ खुर्चीसाठी आहेत असा आरोप त्यांनी यावेळी केला आहे. ''मराठीत म्हण आहे, अति तिथे माती. याची प्रचिती या सरकारला लवकरच येईल. या योजना फक्त नारळ फोडण्यासाठी आणि कमिशन खाण्यासाठी आहेत. सगळ्या निधी थांबवण्यात आला आहे. हा खेळ फक्त लाडक्या खुर्चीसाठी सुरू आहे.'' अशा शब्दांत जयंत पाटील यांनी महायुती सरकारवर टीकेची झोड उठवली.