नागपूर : भाजप नेते रावसाहेब दानवे यांचे जावई माजी आमदार हर्षवर्धन जाधव यांना एक वर्ष करावासाची शिक्षा सुनावण्यात आली आहे. जिल्हा न्यायालयाने एक वर्षाची शिक्षा सुनावली आहे. तत्कालीन शिवसेनेचे माजी आमदार आता शिंदे सेनेत असलेले हर्षवर्धन जाधव हे कन्नड विधानसभेचे माजी आमदार आहेत. तसेच ते माजी केंद्रीय मंत्री रावसाहेब दानवे यांचे जावई आहे.

शिवसेना पक्षप्रमुख उद्धव ठाकरे यांची ६ डिसेंबर २०१४ रोजी हॉटेल प्राइडमध्ये पक्षाच्या नेत्यांसोबत बैठक सुरू होती. या बैठकीस आत जाऊ देण्यास मज्जाव केल्यानं पोलिस निरीक्षक पराग जाधव यांच्या कानशिलात लगावल्या प्रकरणी त्यांच्यावर सोनेगाव पोलिसांनी गुन्हा दाखल झाला होता. त्यानंतर शासकीय कामात अडथळा आणि मारहाण प्रकरणात न्यायालयाने त्यांच्याविरुद्ध अटक वॉरंट सुद्धा जारी केला होता. याच प्रकरणाचा निकाल आज आला आहे.