मुंबई येथील सावली बार प्रकरणामुळे राज्याचे गृहराज्यमंत्री योगेश कदम यांची अडचण वाढण्याची शक्यता आहे. योगेश कदम यांच्या आईच्या नावावर मुंबईमध्ये सावली बार आहे. या बारवरून अत्यंत गंभीर आरोप ठाकरे गटाचे नेते आमदार अनिल परब यांनी केले आहेत. पण तेव्हापासून अनिल परब आणि रामदास कदम यांच्यात आरोप प्रत्यारोपांची फैरी झडत आहे. रामदास कदम यांनी रत्नागिरी येथे आयोजित पत्रकार परिषदमध्ये अनिल परब यांच्यावर निशाणा साधला. सावली बारच्या बाबतीत अर्धवट वकील अनिल परब हेतुपुरस्सर बदनामी करत आहेत/ शिवाय ते राजीनामा मागणारे कोण? असेही रामदास कदम म्हणाले.