भाजपचा हस्तक्षेप थांबवा अशी विनंती रामदास कदम यांनी एकनाथ शिंदे यांच्याकडे केली आहे. त्यांच्या या विनंतीमुळे महायुतीतली धुसफूस समोर आली आहे असे सांगण्यात येत आहे. रामदास कदम म्हणाले की लोकसभेत उमेदवार जाहीर करायची वेळ चुकली. नाहीतर चित्र वेगळे असते. त्यामुळे विधानसभेला १०० जागांची मागणी करा त्यापैकी ९० तरी जिंकून आणू असा विश्वास कदम यांनी व्यक्त केला आहे. तसेच भाजपचा शिवसेनेतला हस्तक्षेप थांबवा हवं तर मोदी शहांसमोर मला उभं करा असेही कदम म्हणाले.