राज्यसभा निवडणुकीच्या पार्श्वभूमीवर अजित पवार गट राष्ट्रवादीची आज बैठक होत आहे. राज्यसभेच्या रिक्त जागे संदर्भात आता त्यांच्यात चर्चा होत आहे. राष्ट्रवादीकडून राज्यसभेवर कोण जाणार यावर सविस्तर चर्चा केली जात असून सुनेत्रा पवारांच्या रिक्त झालेल्या जागेवर कोण जाणार यावरचा निर्णय थोड्याच वेळात येणार असल्याचं सांगितलं जात आहे. सुनेत्रा पवार या विधानसभा निवडणूक जिंकून आमदार झाल्यानंतर त्यांची राज्यसभेची जागा रिक्त आहे. त्या जागेवर राष्ट्रवादीतून कोणाची वर्णी लागणार आहे, याची चर्चा आजच्या बैठकीत घेतली जात आहे.

उमेदवारांचा नामांकन दाखल करण्यासाठी शेवटचे दोन दिवस उरले आहेत. त्यामुळे या पार्श्वभूमीवर राजकीय हालचालींना वेग आला आहे. दरम्यान काही दिवसापुर्वी नवनीत राणा यांनी सुनेत्रा पवार आणि मुख्यमंत्री फडणवीस यांची भेट घेतली होती. त्यामुळे राष्ट्रवादीकडून त्यांची राज्यसेभेसाठी संधी मिळू शकते, अशी चर्चाही राजकीय वर्तुळात आहे. पण दुसऱ्या बाजुला छगन भुजबळ यांच्या नावाचीही चर्चा सुरू आहे. येत्या काही दिवसात राष्ट्रवादीमधील उमेदवार कोण असणार हे नाव समोर येणार आहे.