Raju Shetti: स्वाभिमानी शेतकरी संघटनेचे राजू शेट्टी यांनी आज अंतरवाली सराटीमध्ये येऊन मराठा आंदोलक मनोज जरांगे पाटील यांची भेट घेतलीय .भेटीमध्ये सामाजिक, आर्थिक ,राजकीय विषयावर चर्चा झाल्याची माहिती राजू शेट्टी यांनी दिली. चळवळीतले माणसं एकत्र आल्यानंतर सामाजिक ,आर्थिक या विषयावर चर्चा होत असते. मराठी माणसे एकत्र आल्यानंतर गप्पा होतच असतात अशी प्रतिक्रिया भेटीनंतर राजू शेट्टी यांनी दिलीय. दरम्यान महाराष्ट्रातला कष्ट करणाऱ्या वर्गाला आवाज देण्याचा प्रयत्न आमच्या वतीने सुरू आहे, बघू यश येईल अशी प्रतिक्रिया राजू शेट्टी यांनी यावेळी दिलीय..