महायुतीची मुंबईत सभा पार पडण्याआधी एक महत्त्वाची बातमी शिवाजी पार्कमधून समोर आली आहे. महायुतीच्या सभेआधी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी राज ठाकरे यांच्या निवासस्थानी भेट दिली. यावेळी तिन्ही दिग्गज नेत्यांमध्ये महत्त्वाची चर्चा झाल्याचं पाहायला मिळाली. दरम्यान, राज ठाकरेंच्या निवासस्थानी असलेल्या गॅलरीतून तिन्ही नेत्यांनी माध्यमांच्या कॅमेऱ्यासमोर येणंही पसंत केलं. राज ठाकरे आणि नरेंद्र मोदी एकाच व्यासपीठावर येणार आहेत. या सभेकडे सगळ्यांचं लक्ष लागलेलं आहे. लोकसभा निवडणुकीच्या अनुषंगाने शिंदे आणि फडणवीस यांची राज ठाकरेंशी महत्त्वाची चर्चा झाल्याचं यावेळी पाहायला मिळालंय.