अमरावती : विधानसभा निवडणुकीसाठी मनसे अध्यक्ष राज ठाकरे यांची तोफ अमरावतीत धडाडली. अमरावतीच्या भाषणात राज ठाकरेंनी राजकीय नेत्यांचा खरपूस समाचार घेतला.

राज ठाकरे म्हणाले, आताची २०२४ ची विधानसभा निवडणूक अत्यंत महत्वाची आहे. काँग्रेस राष्ट्रवादी नको म्हणून लोकांनी शिवसेना आणि भाजपला मतदान केलं. पण सकाळचा शपथ विधी झाला, त्यांचं सरकार बनलं. त्यानंतर दुसरं सरकार बनलं. तुम्ही कोणाला मतदान केलं हे जनतेला कळत नाही. 2024 च्या निवडणुकीत या लोकांना वठणीवर नाही आणलं तर महाराष्ट्र बरबाद होणार. मला या महाराष्ट्रासाठी काहीतरी करून दाखवायचा आहे. जगाला हेवा वाटेल, असा महाराष्ट्र मला करून दाखवायचा आहे'.