मनसे अध्यक्ष राज ठाकरे यांनी मुंबई महानगरपालिकेच्या आगामी निवडणुकांच्या पार्श्वभूमीवर महत्त्वाची बैठक बोलवली आहे. ही बैठक आज सकाळी ११ वाजता दादर येथील शिवतीर्थ निवासस्थानी होणार आहे. बैठकीसाठी मनसेचे मुंबई शहराध्यक्ष तसेच उपाध्यक्ष उपस्थित राहणार आहेत. या बैठकीत मुंबई महानगरपालिकेच्या निवडणुकीसंदर्भात पक्षाची रणनीती, प्रचाराची आखणी आणि संघटनात्मक तयारी यावर चर्चा होण्याची शक्यता आहे. मनसेने मुंबईत आपला प्रभाव वाढवण्यासाठी आणि नागरिकांशी थेट संपर्क साधण्यासाठी आगामी काळात विविध उपक्रम राबवण्याचे संकेत दिले आहेत. त्यामुळे आज होणारी ही बैठक राजकीय दृष्ट्या महत्त्वाची मानली जात आहे. मनसे कार्यकर्त्यांमध्येही या बैठकीबाबत उत्सुकता आहे.