राहुल गांधी रायबरेलीतून निवडणूक लढवणार आहेत. 2019 साली राहुल गांधी यांनी केरळच्या वायनाडमधून आणि उत्तर प्रदेशच्या अमेठीमधून निवडणूक लढवली होती. पण अमेठीत भाजपच्या स्मृती इराणी यांनी राहुल गांधी यांचा पराभव केला. पण वायनाडमधून गांधी यांचा विजय झाला. आता सोनिया गांधी यांच्या रायबरेलीमधून राहुल गांधी उमेदवारी अर्ज भरणार आहेत. प्रियंका गांधी या कुठल्याही एका पोटनिवडणुकीतून लोकसभेत पोहोचतील असे सूचक विधान काँग्रेस नेते जयराम रमेश यांनी केले आहे. अमेठीमधून किशोरी लाल शर्मा यांना काँग्रेसने उमेदवारी दिली आहे.