महाराष्ट्र विधानसभा निवडणुकीचा मुद्दा आता लोकभेत पाहायला मिळाला आहे. लोकसभेचे विरोधी पक्ष नेते राहुल गांधी यांनी महाराष्ट्र विधानसभेचा मुद्दा आज लोकसभेत मांडला आहे. महाराष्ट्रात विधानसभा निवडणुकीत ७० लाख नवीन मतदार वाढल्याचं राहुल गांधी यांनी म्हंटलं आहे. तसंच शिर्डीमध्ये ७ हजार मतदारांचे पत्ते हे एकाच इमारतीचे असल्याचा दावाही राहुल गांधी यांनी केला आहे.

महाराष्ट्रात विधानसभा निवडणुकीपूर्वी केवळ पाच महिन्यात तब्बल ७० लाख नवीन मतदारांची नोंदणी झाली आहे. जेवढे पाच वर्षात मतदार नोंदणी झाली त्यापेक्षा जास्त गेल्या ५ महिन्यात नोंद झाले. इतकंच नाही तर शिर्डीमध्ये असलेल्या एका इमारतीत ७ हजार नवीन मतदार नोंदणी झाली आहे. या सर्व ७ हजार मतदारांच्या कार्डवर एकाच इमारतीचा पत्ता आहे, असा दावा राहुल गांधी यांनी केला आहे.