मुख्य निवडणूक आयुक्त (CEC) ज्ञानेश कुमार यांच्याविरोधातील महाभियोग कार्यक्रमाबाबत काँग्रेस खासदार आणि लोकसभेतील विरोधी पक्षनेते राहुल गांधी यांनी मोठी घोषणा केलीये. पावसामुळे शुक्रवारी होणारा सार्वजनिक कार्यक्रम पुढे ढकलण्यात आला असून आता हा कार्यक्रम शनिवारी त्याच वेळी आयोजित केला जाणार आहे. पावसामुळे ज्येष्ठ नेत्यांना बसण्यास अडचणी येऊ शकतात. त्यामुळे विरोधी पक्षांनी एकमताने हा कार्यक्रम एक दिवस पुढे ढकलण्याचा निर्णय घेतल्याचं राहुल गांधी यांनी सांगितलं.

शुक्रवारी राहुल गांधी यांनी इंडिया आघाडीतील इतर नेत्यांसोबत पत्रकार परिषद घेतली. यावेळी त्यांनी महाभियोगासंदर्भातील कार्यक्रम शनिवारी आयोजित करण्यात येणार असल्याची माहिती दिली. दरम्यान, 1 नोव्हेंबर रोजी दिल्लीतील रामलीला मैदानावर विरोधकांची भव्य महारॅली होणार आहे.

या महारॅलीत सहभागी होण्यासाठी राजकीय पक्षांसोबतच सामाजिक संघटना, नागरी संस्था, पत्रकार आणि सर्वसामान्य नागरिकांनाही निमंत्रण देण्यात आलं आहे.