मराठा आणि ओबीसी आरक्षणावर मंत्री राधाकृष्ण विखे पाटील यांनी महत्वाची प्रतिक्रिया दिली आहे. दोन्ही समाजाच्या नेत्यांना माझी विनंती आहे की आता थोडी शांतता राखली पाहिजे. कारण सरकारची भूमिका स्पष्ट आहे पाहिल्यापासून ओबीसी आरक्षणाला आपण धक्का लावणार नाही. त्यामुळे ओबीसीच्या नेत्यांनी विनाकारण अस्वस्थ होण्याची गरज नाही. मनोज जरांगे पाटील यांच्या आंदोलनानंतर सरकारने एक पाऊल पुढे टाकले आहेत. त्यांनाही माझी विनंती आहे की थोडं संयमाने पुढे गेले पाहिजे. बोलतानाही थोडी शांतता घेतली पाहिजे. जेणेकरून आपल्याला कटुता टाळता येईल असे आवाहन मंत्री राधाकृष्णा विखेपाटील यांनी केले.