Pune Toxic Liquor Case Latest News : पुण्यातील पिंपरी-चिंचवड आणि हडपसर परिसरात विषारी दारूमुळे तब्बल १८ जणांचा मृत्यू झाला आहे. या घटनेमुळे संपूर्ण पुणे जिल्ह्यात एकच खळबळ उडाली असून प्रशासनाचे धाबे दणाणले आहेत.

मिळालेल्या माहितीनुसार, पिंपरी-चिंचवडमधील फुगेवाडी परिसरात गेल्या तीन दिवसांत विषारी दारूमुळे १२ जणांचा मृत्यू झाला आहे, तर पुण्याच्या हडपसर परिसरात ६ जणांना आपला जीव गमावावा लागला आहे. यामुळे या दुर्घटनेतील एकूण मृतांची संख्या आता १८ वर पोहोचली आहे. याशिवाय, विषारी दारूची बाधा झालेल्या काही रुग्णांवर अजूनही रुग्णालयात उपचार सुरू आहेत.

या भीषण घटनेची गंभीर दखल घेत पोलिसांनी तात्काळ कारवाई सुरू केली आहे. विषारी दारू विक्री प्रकरणात पोलिसांनी आतापर्यंत १० जणांना अटक केली असून, या रॅकेटमध्ये आणखी कोणाचा समावेश आहे का, याचा कसून तपास केला जात आहे.