नवरात्र उत्सव काळात पुण्यात भर रस्त्यात एका तरुणाने एका तरुणीवर लाथा बुक्क्यांनी मारहाण केल्याचा व्हिडिओ सोशल मीडियावर व्हायरल झाला होता. १ ऑक्टोबर रोजी पुणे सातारा रस्त्यावर रात्री ८ वाजण्याच्या सुमारास एका किरकोळ कारणातून लाथा बुक्क्यांनी मारहाण केल्याचा व्हिडिओ समोर आल्यानंतर संतापाची लाट उसळली होती.

अखेर सहकारनगर पोलिसांनी या तरुणाला शोधून काढले मात्र त्याच्या विरोधात संबंधित तरुणीने तक्रार न दिल्याने त्यावर कारवाई झाली नाही. मात्र असे असतानाच या तरुणाने त्याची चूक कबूल केली आणि "माझ्याकडून चूक झाली, मी "ताई" आणि तिच्या घरच्यांची माफी मागतो" अशी दिलगिरी व्यक्त केली.

घटनेचा व्हिडीओ समोर, नेमकं काय घडलं?

तरुणीला हाणामारीचा हा व्हिडिओ पुणे-सातारा रस्त्यावरील के के मार्केट ते चव्हाण नगर जाणाऱ्या मार्गावरील आहे. ज्यावेळी ही घटना घडली होती, त्यावेळी हा तरुण कोण होता आणि त्या तरुणीसोबत त्याचे नाते काय याबाबत कोणतीच माहिती मिळाली नव्हती. परंतु आता पोलिसांनी मारहाण करणाऱ्याला तरुणाला अटक केली आहे.