पुणे : राज्यात लोकसभा निवडणुकीत (Lok Sabha Election) काँग्रेसला (Congress) यश मिळाल्यानंतर पक्षाने विधानसभेची तयारी सुरू केली आहे. काँग्रसने पुण्यातील (Pune) पाच मतदारसंघावर काँग्रेसने दावा केला आहे. याचा प्रस्ताव प्रदेशाध्यक्ष नाना पटोले (Nana Patole) यांच्याकडे पाठवण्यात आला आहे. काँग्रेसच्या पुण्यातील आठ नेत्यांनी विधानसभेसाठी अर्ज नेला आहे. कसबा, पुणे कॅन्टोनमेंट, शिवाजीनगर, हडपसर, पर्वती या मतदारसंघांचा त्यात समावेश आहे. लोकसभेत काँग्रेसला सर्वाधिक जागा मिळाल्याने राज्यात काँग्रेस विधानसभेत स्वबळावर लढेल असं सांगितलं जात होतं.