Tuljabhavani Temple: महाराष्ट्राची कुलस्वामिनी आई तुळजाभवानी मंदीर व परीसराच्या प्रस्तावित विकास आराखड्यातील काही बाबींवर पुजारी मंडळाने आक्षेप घेतला आहे. तुळजापूर मंदिर व मंदिराच्या पुर्वेच्या बाजूस विकास करण्यात यावा अशी पुजारी मंडळाची मागणी असून यासाठी तुळजाभवानी मंदिर संस्थानच्या प्रवेशद्वारावर पूजारी मंडळाच्या वतीने लाक्षणिक उपोषण सुरू केलंय. आमचा विकासाला विरोध नाही तर जो विकास होणार आहे तो मंदिराच्या पुर्वेला करावा अशी मागणी पुजारी मंडळ व तुळजापूरातील नागरीकांनी केलीय. दरम्यान याबाबत निर्णय न झाल्यास यापुढे तीव्र आंदोलन करण्याचा इशारा देण्यात आलाय. त्यामुळे तुळजाभवानी मंदीराच्या विकास आराखड्यावरुन पुन्हा वाद होण्याची शक्यता वर्तवली जात आहे.