मराठा आंदोलक मनोज जरांगे पाटील हे अंतरवाली सराटीमध्ये सरपंचांच्या घरी मुक्कामी आहेत. यादरम्यान ते मुक्कामी असलेल्या घरावर ड्रोनची टेहाळनी होत असल्याची बातमी समोर आली होती. तीन दिवसाआधी देखील असाच प्रकार घडल्याचं समोर आलं होतं. या सर्व प्रकारची गावचे सरपंच पोलीसांकडे तक्रार करणार आहेत. यासर्वप्रकरणावर विरोधी पक्ष नेते विजय वडेट्टीवार यांनी जरांगेंना सुरक्षा देण्यात यावी अशी मागणी केली आहे. त्यांच्या संरक्षणाची हमी सरकारने घेतली पाहिजे. यावर शंभुराज देसाई यांनी प्रकरणाची पडताळणी केली जाईल असे म्हटले आहे. जरांगे यांना ह्याआधीच संरक्षण दिलं गेल्याचंही त्यांनी सांगितलं आहे.