Sushma Andhare On Journalists | पत्रकारांना मिळणाऱ्या धमकीवर सुषमा अंधारेंनी भाष्य केलंय. जिथे पत्रकारच सुरक्षित नाही तिथे लोकशाही धोक्यात आहे असं सुषमा अंधारे म्हणाल्यात. पत्रकारांच्या सुरक्षेचा मुद्दा पुन्हा एकदा ऐरणीवर येतोय. पत्रकार वारीश यांची हत्या तसेच वेगवेगळ्या पत्रकारांना दमदाटी करणं, पत्रकारांना ट्रोल करणं हा सगळा लोकशाहीला घातक प्रकार आहे. असंही सुषमा अंधारे म्हणाल्यात. पत्रकारांच्या बातमीदारीवरच हा दडपण आणण्याचा प्रकार असल्याचं त्यांनी म्हटलंय. पियुष गोयल यांच्या कार्यकर्त्यांनी पत्रकाराला घरात घुसून धमकावलं या घटनेचा आम्ही जाहीर निषेध करतो. महिला पत्रकाराला धमकवण्याला तर आमचा विरोध आहेच पण हा एकूणच प्रकार खूप धक्कादायक असल्याचंही त्यांनी म्हटलंय. नवी मुंबईत महाविकास आघाडीचा महिला मेळावा पार पडला त्यावेळी अंधारे बोलत होत्या.