मनसेला रामराम ठोकल्यानंतर प्रकाश महाजन यांनी अखेर एकनाथ शिंदेंच्या शिवसेनेत प्रवेश केला आहे. 'Saam TV' ला दिलेल्या या विशेष मुलाखतीत त्यांनी भाजपमध्ये प्रवेश का मिळाला नाही, यावर 'एन्ट्रन्स एक्झाम'चे उदाहरण देत खोचक टिप्पणी केली. तसेच, राज ठाकरेंना एकेकाळी 'विठ्ठल' मानणाऱ्या महाजनांनी आता 'तो विठ्ठल संपला' असे म्हणत आपल्या भावना व्यक्त केल्या. तीन महिन्यांचा वेटिंग पिरीयड आणि शिंदे गटातील प्रवेशावर त्यांनी सविस्तर भाष्य केले आहे.

प्रकाश महाजन म्हणाले, माणसाचे वय जरी वाढले तरी त्याला कोणीतरी समजूत घालावी आणि रुसवा काढावा हा मनुष्य धर्म आहे. एका मित्राने तर बोलून दाखवले पण कोणसमोर बोलून दाखवले हे मी सांगणार नाही. की प्रकाश महाजन यांना भाजपमध्ये जाऊ द्या. असे त्या माणसाने भाजपच्या सर्वेसर्वाला केले. मग गेली तीन महीने आपली वाट पाहत राहिलो नंतर असे लक्षात आले की नाही होणार आणि मला कुठलातरी आधार पाहिजे होता या वयात असे सांगत त्यांनी खंत व्यक्त केली.