मयूर राणे, साम टीव्ही

मुंबईतील पवई येथील 17 लहान मुलांना ओलिस ठेवलेल्या रोहीत आर्याचा पोलिसांनी एन्काऊंटर केला आहे. पोलिसांनी आर ए स्टुडिओच्या बाथरूममध्ये जाऊन 17 मुलांची सुटका केली.आता प्राप्त झालेल्या माहितीनुसार पवई स्टुडिओ ऑडिशन किडनॅपिंग केस प्रकरणातील आरोपी रोहित आर्या याने पोलिसांवर गोळीबार केल्याची धक्कादायक माहिती समोर आली आहे. त्यानंतर पोलिसांनी क्रॉस गोळीबार करत एक राउंडही फायर केला होता. या गोळीबारात आरोपी रोहित आर्याचा मृत्यू झाला आहे.

मुंबईच्या पवई भागात एका थरारक ओलीस नाट्याची अखेर झाली आहे, ज्यात रोहित आर्य नावाच्या व्यक्तीने तब्बल १९ जणांना ओलीस धरले होते. मुंबई पोलिसांनी दिलेल्या माहितीनुसार, 'प्रत्युत्तरादाखल पोलिसांच्या गोळीबारात रोहित आर्य जखमी झाला असून, त्याच्याकडे एक एयरगन सापडली आहे.' या घटनेत १७ मुले, एक ज्येष्ठ नागरिक आणि एका सामान्य नागरिकाचा समावेश होता. आरोपी वेब सिरीजच्या ऑडिशनच्या बहाण्याने मुलांना बोलावून त्यांना ओलीस धरून बसला होता. अखेरीस, पोलिसांनी इमारतीच्या बाथरूममधून आत प्रवेश करून धाडसी कारवाई केली आणि सर्व ओलिसांची सुखरूप सुटका केली, मात्र या दरम्यान पोलिसांना गोळीबार करावा लागला ज्यात आरोपी जखमी झाला.