आषाढी वारी तोंडावर आली आहे. आणि यावेळी इंद्रायणी नदीत मोठ्या प्रमाणात प्रदूषण झाले आहे. नदीचे पाणी फेसाळेलेलं दिसत आहे. नदीच्या प्रदूषणामुळे ग्रामस्थांनी आणि वारकऱ्यांनी रोष व्यक्त केला आहे. इंद्रायणी नदीमध्ये रसायनयुक्त तसेच मैला मिश्रित सांडपाणी सोडल्याने इंद्रायणी नदी प्रदुषित झाली आहे. इंद्रायणी नदीमधील प्रदूषित पाण्यामुळे इंद्रायणी नदीतील जलचर जीवन तसेच वारकरी भाविकांचे आरोग्य धोक्यात आलं आहे. इंद्रायणीतील प्रदूषण थांबवण्यासाठी पिंपरी चिंचवड महापालिका, आळंदी नगरपरिषद, पीएमआरडीए आणि एमपीसीबी बोर्ड युद्ध पातळीवर प्रयत्न करत आहेत. मात्र तरी देखील इंद्रायणी नदी प्रदूषित पाण्यमुळे अजूनही फेसाळलेली आहे.