स्थानिक स्वराज्य संस्थांच्या निवडणुकांचे पडघम वाजत असतानाच भाजपचे प्रदेशाध्यक्ष रवींद्र चव्हाण आणि राष्ट्रवादी शरद पवार गटाचे प्रदेशाध्यक्ष शशिकांत शिंदे यांनी केलेल्या खळबळजनक व्यक्तव्याने राज्यात 2 डिसेंबरनंतर राजकीय भूकंप होणार असल्याच्या चर्चांना पेव फुटला आहे. याचाच पहिला ट्रेलर आज फलटणमध्ये दिसला.

फलटण नगरपालिकेच्या निवडणुकीत मोठा राजकीय ट्विस्ट पाहायला मिळाला आहे. राष्ट्रवादी काँग्रेस शरद पवार गटाचे आमदार रामराजे नाईक-निंबाळकर हे थेट शिंदे सेनेच्या व्यासपीठावर दाखल झाले. नगराध्यक्षपदासाठी त्यांचा मुलगा अनिकेत राजे नाईक-निंबाळकर यांना शिंदे सेनेने उमेदवारी दिली असून त्याच्या प्रचारार्थ आयोजित सभेसाठी उपमुख्यमंत्री एकनाथ शिंदे फलटणमध्ये दाखल झाले होते. या सभेत रामराजेंची उपस्थिती दिसताच राजकीय वर्तुळात एकच खळबळ उडाली.

येणाऱ्या 2 डिसेंबरनंतर आता कोणता नवीन राजकीय सिनेमा महाराष्ट्राला पाहायला मिळतो. याची उत्सुकता आता सर्वांना लागली आहे.