वाशिम जिल्ह्यात दुष्काळग्रस्त शेतकऱ्यांना एक लाख रुपयांची मदत देण्याच्या मागणीसाठी ठाकरे गट आक्रमक झाला आहे. या मागणीसाठी ठाकरे गटाच्या वतीने समृद्धी महामार्गावर मोर्चा काढण्यात येत आहे. पोलिसांनी या मोर्चाला परवानगी नाकारली असतानाही कार्यकर्ते आणि शेतकरी महामार्गाच्या दिशेने रवाना झाले आहेत.

शेलू बाजार परिसरात समृद्धी महामार्गावर जाणाऱ्या मार्गावर पोलिसांनी मोठ्या प्रमाणात बॅरिकेडिंग केलंय. त्याचप्रमाणे परिस्थिती नियंत्रणात ठेवण्यासाठी मोठा पोलीस बंदोबस्त तैनात करण्यात आलाय. आमदार नितीन देशमुख यांच्यासह ठाकरे गटाचे काही आमदारही या आंदोलनात सहभागी झालेत.

दरम्यान, पोलीस आणि आंदोलक आमनेसामने आले असून, आंदोलकांना ताब्यात घेण्याची तयारी पोलिसांकडून सुरू आहे.