खासदार शाहू महाराज यांना यांना विशाळगडाकडे जाण्यापासून रोखण्यात आलं आहे. शाहू महाराज, सतेज पाटील आणि इंडिया आघाडीचे काही महत्त्वाचे नेते विशाळगडाकडे पोहचले आहेत. पांढरे पाणी परिसरात पोलीसांकडून मोठा पोलीस बंदोबस्त तैनात करण्यात आला आहे. या परिसरातील वरिष्ठ पोलीस अधिकाऱ्यांनी शाहू महाराज आणि सतेज पाटील यांना रोखून धरलं आहे. विशाळगडाच्या आत जमावबंदी कलम लागू केल्यामुळे आत कोणालाही सोडू शकत नाही असं अधिकाऱ्यांकडून सांगण्यात येत आहे. यादरम्यान सतेज पाटील आक्रमक झाले आहेत, कुठल्याही परिस्थितीत आम्ही आत जाणार, स्थानिक नागरिकांशी बातचीत करणार, जर आम्हाला सोडलं नाही तर ठिय्या आंदोलन करणार असं सतेज पाटील यांनी इशारा दिला आहे.