कसबा आमदार रवींद्र धंगेकर यांच्यावर पुण्यात गुन्हा दाखल करण्यात आला आहे. पुणे पोलिसांनी धंगेकर यांच्यावर गुन्हा दाखल केला. दोन दिवसांपूर्वी रवींद्र धंगेकर यांनी सहकार नगर पोलीस ठाण्यात जाऊन भाजप विरोधात आंदोलन केले होते. बेकायदेशीर पद्धतीने जमाव केल्याप्रकरणी आता त्यांच्यावर गुन्हा दाखल केला आहे. पोलीस आयुक्त अमितेश कुमार यांनी देखील याप्रकरणी जो कायदाने सुव्यवस्था बिघडवेल त्यावर गुन्हा दाखल होईल, अशी ग्वाही दिली होती. त्यानंतर आता धंगेरकरांच्या अडचणी वाढल्याचं बोललं जातंय. रवींद्र धंगेकर हे पुण्यातून लोकसभा निवडणूक लढवत असून ते महाविकास आघाडीचे अधिकृत उमेदवार आहेत. अशातच आता त्यांच्याविरोधात दाखल करण्यात आलेल्या गुन्ह्यामुळे राजकीय चर्चांनाही उधाण आलंय.