सध्या गल्ली पासून दिल्लीपर्यंत लोकसभा निवडणुकांच्या निकालाची चर्चा रंगलीये. निकालावरुन पैजाही लागतायेत. पण, तुम्ही असा विचार करत असाल तर सावधान! कारण सांगलीत पैज लावण्यावरुन 2 मित्रांवर जुगार अधिनियमांअंतर्गत गुन्हा दाखल झालाय. पैज लावणाऱ्या दोघांवर कवठेमहांकाळ पोलीस ठाण्यामध्ये जुगार अधिनियम अंतर्गत गुन्हा दाखल झाला आहे.पोलिसांनी दोघांना ताब्यात घेतलं आहे. तर, त्यांच्याकडून दोन्ही गाड्याही जप्त करण्यात आल्या आहेत. दोघ मित्रांनी आपल्या गाड्या पैजेत लावल्या होत्या. पण, आता त्यांच्यावर कारवाईची टांगती तलवार लटकली आहे.