पुण्यात पीएमपीएल बस चालक आणि एका प्रवाशामध्ये हाणामारीचा व्हिडिओ व्हायरल झाला आहे. आज सायंकाळी कोथरूड डेपो ते कात्रज बसमध्ये हाणामारी झाली.पुण्यातील गरवारे स्टॉप जवळ घडली घटना घडली असून यामागचं कारण मात्र अद्याप समजलेलं नाही.एकजण पीएमपीएल बस चालकाला खाली ओढण्याचा प्रयत्न करत आहे. चालकही त्याला पकडतो आणि हाणामारीला सुरुवात होते. यात त्या व्यक्तीच्या अंगावर कपडेही राहात नाहीत. चालक स्वत: चा बचाव करताना त्या व्यक्तीची अंगावरचे कपडेही फाटतात. त्यानंतर संतप्त झालेली ती व्यक्ती चालकाला खाली ओढण्याचा प्रयत्न करते. बसमधील कोणीही हे भांडण सोडवण्याचा प्रयत्न करताना दिसत नाही. भांडण करणाऱ्या व्यक्तीच्या जवळही जायचं कोणी धाडस करत नव्हतं. दरम्यान या घटनेचा व्हिडिओ सोशल मीडियावर तुफान व्हायरल होत आहे.