केंद्र सरकारने कर्मचारी भविष्य निर्वाह निधीचा (EPFO) लाभ न घेणाऱ्या कर्मचाऱ्यांसाठी 'प्रधानमंत्री विकसित भारत रोजगार योजना' सुरू केली आहे. या योजनेनुसार, 'ज्या कर्मचाऱ्यांचे मासिक वेतन १ लाख रुपयांपर्यंत आहे आणि जे पहिल्यांदाच ईपीएफमध्ये नोंदणी करत आहेत, त्यांना पंधरा हजार रुपयांपर्यंतचा लाभ मिळणार आहे'.

१ नोव्हेंबरपासून या योजनेची नोंदणी सुरू झाली असून, ३० एप्रिलपर्यंत अर्ज करता येणार आहे. याअंतर्गत केवळ कर्मचाऱ्यांनाच नाही, तर आस्थापनांनाही प्रति कर्मचारी दरमहा तीन हजार रुपयांचा लाभ दोन वर्षांसाठी दिला जाणार आहे. या योजनेचा लाभ थेट कर्मचाऱ्यांच्या आधार कार्डशी संलग्न असलेल्या बँक खात्यात जमा केला जाणार असून, यासाठी ईपीएफओच्या अधिकृत संकेतस्थळावर अर्ज करण्याची सुविधा उपलब्ध करून देण्यात आली आहे.