पंतप्रधान नरेंद्र मोदी हे पहिले असे पंतप्रधान आहेत ज्यांनी बंजारा समाजाच्या काशीला, पोहरा देवीला भेट दिली आहे. पोहरा देवी येथे पंतप्रधान नरेंद्र मोदींच्या हस्ते विरासत - ए - बंजारा नगारा वस्तुसंग्रहालयाचे लोकार्पण शनिवारी करण्यात आलं आहे. यावेळी पंतप्रधान नरेंद्र मोदी यांनी आपल्या भाषणाची सुरुवात बंजारा भाषेतून केली. या वेळी त्यांनी सेवालाल महाराजांचा जयजयकार करत उपस्थित नागरिकांना अभिवादन केले.

पंतप्रधान नरेंद्र मोदी पोहरादेवी येथे दाखल झाल्यानंतर त्यांनी पोहरादेवी मंदिरात आरती केली. या दरम्यान त्यांच्या हस्ते बंजारा समाजाचे श्रद्धास्थान असलेल्या पोहरादेवी येथे इतिहास, परंपरा, संस्कृतीचे दर्शन घडवणाऱ्या विरासत - ए - बंजारा नगारा वस्तुसंग्रहालयाचे लोकार्पण झाले. फडणवीस सरकारच्या कार्यकाळात या संग्रहालयाची सुरुवात झाली होती. या बद्दल पंतप्रधान नरेंद्र मोदी यांनी देवेंद्र फडणवीस यांच्या कार्याचे विशेष कौतूक केले. सर्वांनी या संग्रहालयाला अवश्य भेट देण्याचं आवाहन देखील मोदींनी केलं. लाडकी बहिण योजना नारी शक्ती वाढवणारी योजना असल्याचंही त्यांनी म्हंटलं आहे.