पिंपरी- चिंचवडमध्ये पुन्हा एकदा कुत्र्यांची दहशत पाहायला मिळाली. चिखली मोरे वस्ती येथे पहाटे पाचच्या सुमारास कामावर जाणाऱ्या तरुणावर ७ कुत्र्यांच्या टोळक्याने हल्ला चढवला. हा सर्व प्रकार सीसीटीव्ही कैद झाला आहे. यात तरुण जखमी झाला आहे. त्याने स्वतःला वाचवण्यासाठी फ्लेक्स बोर्ड आणि दुचाकीचा आधार घेतला. दुचाकी कुत्र्यांच्या अंगावर ढकली. तरीही कुत्रे तिथून जायला तयार नव्हते. अखेर काही मिनिटांनी काही नागरिक घराबाहेर आल्यानंतर तिथून कुत्र्याचं टोळकं बाजूला झालं. परंतु ते तिथेच घुटमळत होतं. या घटनेमुळे पुन्हा एकदा कुत्र्यांच्या हल्ल्यांची घटना समोर आली. महानगरपालिकेने तात्काळ या मोकाट कुत्र्यांचा बंदोबस्त करावा अशी मागणी नागरिकांनी केली आहे.