नाशिक जिल्ह्यातील निफाडमध्ये मुलींची छेड काढणाऱ्या रोड रोमियोंना या मुलींच्या घरच्यांनी चांगलाच चोप दिला आहे. या घटनेचा व्हिडिओ सोशल मिडियावर व्हायरल होत आहे. या घटनेची माहिती मिळताच निफाड पोलिसांनी या रोडरोमिओंच्या मुसक्या आवळल्या आहेत.

नाशिक जिल्ह्यातील निफाड येथे शाळेच्या गेटवर, शाळेत अथवा घरी पायी रस्त्याने जात असताना काही तरुण आणि अल्पवयीन टवळखोरांकडून विद्यार्थिनींची छेड काढण्यात येत होती. टवाळखोर अश्लील इशारे करून या मुलींची छेड काढत होते. त्यामुळे घाबरलेल्या मुलींनी या घटनेची माहिती आपल्या पालकांना दिली. त्यानंतर संतप्त पालकांनी या टवाळखोर मुलांना पकडून चांगलाच चोप दिला आहे. दरम्यान, भर रस्त्यात चोप दिल्याने टवाळखोरांचे धाबे दणाणले आहेत. पालकांनी या टावाळखोरांना चोप दिल्या नंतर पोलिसांच्या स्वाधीन केलं आहे.