Saam Parbhani ZP Exit Poll 2026: परभणी जिल्हा परिषदेच्या निवडणुकीबाबत 'साम'च्या एक्झिट पोल मधून महत्त्वाचं चित्र समोर आलं आहे. एकूण ५४ जागांपैकी भाजप सर्वाधिक २१ जागांवर आघाडीवर असल्याचा अंदाज वर्तवण्यात आला आहे. शिंदे गटाच्या शिवसेनेला ८ जागा, तर राष्ट्रवादी काँग्रेस (अजित पवार गट) १४ जागा मिळण्याची शक्यता आहे. काँग्रेसला ४, ठाकरे गटाच्या शिवसेनेला ५, वंचित बहुजन आघाडीला १, तर इतरांना १ जागा मिळू शकते. राष्ट्रवादी काँग्रेस (शरद पवार गट) यांना एकही जागा मिळण्याची शक्यता नसल्याचं एक्झिट पोल दर्शवतो. भाजपला मिळणारी आघाडी ही संघटनात्मक मजबुती, स्थानिक नेत्यांची सक्रियता आणि सत्ताधारी समीकरणांचा फायदा यामुळे असल्याचं चित्र आहे. तसेच शिंदेसेना–भाजप युतीचा ग्रामीण भागात परिणाम दिसून येतो आहे. दुसरीकडे, विरोधकांमधील मतविभागणीचा फटका काँग्रेस आणि ठाकरे गटाला बसल्याचंही एक्झिट पोल मधून स्पष्ट होत आहे.