ओबीसी आंदोलक लक्ष्मण हाके यांच्या आंदोलनावरुन पंकजा मुंडे यांनी ट्विट केलं आहे. हाकेंची राज्याच्या प्रमुखांनी भेट घ्यावी अशी मागणी पंकजा मुंडे यांनी केली आहे. हाकेंचे उपोषण हे त्यांचे नसून हा कायद्याच्या चौकटीत सर्वाना समान न्याय व सन्मान देण्यासंदर्भात आवश्यक आहे. सत्तेचा गैरवापर करुन किंवा दबावाखाली चुकीचे सर्टिफिकेट दिले गेले आहेत का? असल्यास त्याची चौकशी करावी, तसेच ओबीसी आरक्षणाला धक्का कसा लागत नाही याबद्दलची स्पष्टता करावी. शिष्टमंडळाने उपोषणास भेट दिली असली तरी राज्याच्या प्रमुखांनी तिथे जाऊन भेट द्यावी, म्हणजे या समस्त राज्यातील बहुजनांना सन्मान दिल्यासारखे होईल अशी माझी आग्रहाची विनंती आहे आणि ती मान्यच कराल हा मला विश्वास आहे. असं ट्विट पंकजा मुंडे यांनी केलं आहे.