विठुरायाच्या दर्शनासाठी आलेल्या जालना जिल्ह्यातील तीन महिला चंद्रभागेच्या पात्रात बुडाल्याची दुर्दैवी घटना आज सकाळी समोर आली आहे. यामध्ये संगीता सपकाळ व सुनिता सपकाळ या दोन महिलांचा पाण्यात बुडून मृत्यू झाल्याचे समोर आले आहे तर एका महिलेचा अजूनही शोध सुरू आहे. नदीपात्रातील पाण्याचा अंदाज न आल्याने येथील भक्त पुंडलिक मंदिराजवळील खोल पाण्यात या महिला बुडाल्याची घटना घडली आहे. भोकरदन येथील काही महिला विठ्ठल-रुक्मिणीच्या दर्शनासाठी पंढरपुरात आल्या होत्या.

आज सकाळी त्या स्नानासाठी चंद्रभागा नदीपात्रात गेल्या असता, संगीता सपकाळ व सुनिता सपकाळ या दोन महिला पाण्यात बुडाल्या . त्यांना वाचवण्यासाठी आणखी एका महिलेने वाचवण्यासाठी पाण्यात उडी घेतली. असता तीही महिला बुडाल्याची माहिती आहे. दुर्दैवी घटनेनंतर पोलीस घटनास्थळी दाखल झाले आहेत. सध्या उजनी धरण 94 टक्के भरले असल्याने धरणातून भीमा नदी पात्रामध्ये पाण्याचा विसर्ग सोडण्यात आला आहे. पंढरपुरातील चंद्रभागेचे नदीपात्र साध्या भरून वाहत आहे. चंद्रभागेतील मंदिरांना पाण्याने वेढा दिला आहे. खोल पाण्यात महिला भाविक स्नानासाठी गेले असता ही दुर्दैवी घटना घडल्याचे समोर आले आहे.