ऑपरेशन टायगर सक्सेस झाल्यानंतर शिंदेसेनेने उद्धव ठाकरे यांचे निवासस्थान असलेल्या वांद्र्यातील कलानगर येथील मातोश्री निवासस्थानाबाहेर बॅनरबाजी केली आहे. 'शिवसेनेचे वाघ हे खऱ्या शिवसेनेत दाखल' अशा आशयाचे बॅनर्स कलानगर परिसरात लावण्यात आले आहे. 'भगव्या विचारांची नवी ताकद, ६ खासदारांचा शिवसेनेत प्रवेश, हिंदुहृदयसम्राटांच्या विचारांना साथ, ६ खासदारांची शिवसेनेला साथ' , असं देखील या बॅनरवर लिहिण्यात आले आहे. या बॅनरबाजीच्या माध्यमातून शिंदेसेनेने ठाकरेसेनेला डिवचलं आहे. या बॅनरवर शिंदेसेनेत प्रवेश केलेल्या ठाकरेंच्या बंडखोर ६ खासदारांचे फोटो लावण्यात आले आहेत. या बॅनरबाजीतून ठाकरेसेनेला अप्रत्यक्ष टोला लगावण्यात आला आहे. शिंदेसेनेच्या राजकीय शक्तीप्रदर्शनाची चर्चा होऊ लागली आहे. या बॅनरबाजीमुळे राजकीय वातावरण तापले आहे.